للغزازوة فقط !

ليلى السيد أحمد · #1 (**permalink**) 05-08-2009, 03:47 PM

للغزازوة, فقط

الكل بعرف الغزازوة مشهورين بالفلفل .. وأكيد ما في طبخة أو أكلة إلا وبدخل في تركيبها الأساسي الفلفل .. والغزازوة عرفوا على مر العصور بمحبتهم الكبيرة للفلفل وانفتاح شهيتهم لأكل الفلفل مع أي طعام .. وفي ناس إلهم خاطر ياكلوا مع الحلويات فلفل ..

السلطات:
عنا كتير من أنواع السلطات اللي انشهرت في العالم .. مثل السلطة التركية والسلطة المصرية والسلطة الغزاوية .. وأنواع تانية ملهاش أصل زي سلطة الطحينة وسلطة الملفوف وسلطة المايونيز .. كل واحد بخترعله سلطة وبسميها على كيفه.. وهية توضع على السفرة لفتح الشهية ومرات زيادة صحون

ما علينا ..

اليوم أنا قررت أعمللكم وأعلمكم طريقة عمل الدقة الغزاوية المشهورة ..
الدَقة << بفتح الدال .. ومشتقة من دق يدق دقاً .. دوق دوق دوق

أو بمعنى آخر ..

السلطة الغزاوية

أول اشي وقبل كل اشي عشان تكمل معنا بدك زبدية
أكيد ما في بيت فلسطين بيخلى من الزبدية الفخار..
وحتى الفلسطينيين اللي عايشين برة ببعتوا يوصوا توصاية على زبدية من غزة
واللي في غزة أكيد كل بيت فيه أقل شي زبديتين تلاتة ..
وبعدين كلها حقها شيكل مش مستاهلة يا بخلا ..
وللناس اللي ما عندها زبدية إحنا مستعدين نبعتلهم على البريد السريع زبدية
بس هما يتحملوا تكاليف النقل

وللي ما بعرفوا شكل الزبدية هي صورتها ..

وكمان مطلوب مدقة خشب..
مدقة حديدة ما بتنفع
مدقة عضم ما بتنفع
مدقة بلاستيك ما بتنفع

أو ممكن هما ينفعوا بس مش عارف ليش المدقة الخشب إلها معزة خاصة في قلبي ..
يمكن لأني زمان انطبشت فيها

بلاش فضايح .. هي صورة المدقة ..

ولما نجمعهم مع بعض بصيرو زي هيك

هلقيت نخش على مكونات الدقة..

أول وأهم عنصر من مكونات الدقة هوة الفلفل..
احنا بنحبها عبارة عن فلفل بطعم السلطة
عشان هيك بنحطش عيها أقل من 10 قرون فلفل ..
طبعاً الفلفل على حسب الرغبة .. مش شرط يعني عشر قرون فلفل.. بس أكيد من دون فلفل ما بتزبط ..

ملاحظة: لو ما كنت غزاوي تحاولش تجرب هالعدد من الفلفل.. واللي بحب يخاطر في حاله أنا بخلي مسئوليتي عنه

وأكيد من مكونات الدقة البندورة ..
بكفي 3 حبات على الـ 10 قرون الفلفل .. أو برضو على حسب الرغبة

بصلة صغيرة أو نص بصلة وسط أو ربع بصلة كبيرة

معلقة عين جرادة ..

معلقة ملح

زيت زتون ,

زتون حب .. حسب الرغبة ,,

طريقة التحضير

يقطع الفلفل في الزبدية قطعاً صغيرة بس مش كتير بالسكينة طبعاً..

وبعدين بنحط معلقة الملح ..

وبعدين معلقة عين جرادة

وبنقطع البصلة إرباً إرباً ..

وبنمسك المدقة وبنبدا ندق ..

ونستمر في الدق .

ايش تعبتو بالله ؟؟دق دق كماان يخوي ..

والله شكلكم تعبتوا من الدق ..
لسة استمروا .. لحد ما يندق الفلفل والبصل كويس..
أيواااا .. هيك كويس ..

هلقيت بنقطع البندورة فوق الفلفل ..

ونكمل مسيرة الد ق ,,

وكمان ضلك دق

ضلك دق لحد ما تندق البندورة كويس مع الفلفل والبصل .. بس دير بالك تتطرشق .. يعني البندورة بدها شوية هدوء في الدق وشوية تفغيص

وهلقيت على حسب الرغبة بنفرك الجبنة البيضا فوق السلطة..
مش واحد يجيبلي جبنة فيتا ولا جبنة البقرات التلاتة اللي في الكرتون .. ما بتنفع
بتجيب جبنة بيضا بلدية يا غنمية ..

وبتحط زيت الزتون ..

وبصير عنا هيك بالاخر منظر الزبدية

وبتتاكل بالخبز طبعاً مش بالمعلقة وولا بالشوكة والسكينة كمان
مع شوية زتون ..
بصير منظر الإشي زي هيك ..

طريقة الأكل

بتقسم الرغيف.. وبتبدا الهجوم..
وبتضلك تغرف .. تغرف .. لحد ما تخلص الزبدية .. وتصير تلحوس فيها ..

أنظر الصور

وبالاخر بنقول .. بالهنا والشفا ..

ههههه امانة ما انتو قاعدين بتبلعو بريقكم هلقيت هههههههههه

ساعد في نشر والارتقاء بنا عبر مشاركة رأيك في الفيس بوك

المصدر: ملتقى عرب أو لاين للثقافة والفنون - من قسم: مطبخ حَ ـــواء

ggy.h.,m tr' !

نسمة فلسطينية · #2 (**permalink**) 05-08-2009, 04:02 PM

يا مامااااااااااااااااا .. شو هــدا .. كــيف بتاكـلوا ..؟؟

10 قرووووون فلــفل .. أنا مو مســدئة ..

أحكــيلك أنا مو جوعــانة .. لا تــعزم عليــ ..!! ههههـ ..

بــسـ يسلموووووووو عالطــريئة ..

(( أطيب المنى ))

ليلى السيد أحمد · #3 (**permalink**) 05-08-2009, 04:49 PM

هههههههههههههههههههههههه

ما انتي مو غزاوية هههههههه

تخافيش مش عازم عليكي

منوورة

سحر القلوب · #4 (**permalink**) 05-08-2009, 04:52 PM

لو أصير ماكلاها لتلاقي صوتي في السما
على شو 10 قرون
يسلمو مع اني مستحيل أعملها

ليلى السيد أحمد · #5 (**permalink**) 05-08-2009, 05:48 PM

ههههههههههه

للي بحب الفلفل بيحط بكسةة كمان مو 10 هههههه

بس احنا يلي زينا قرن وبيصير يقول اح ههههههه

يسلمو عالمرور اختي

دلع القمر · #6 (**permalink**) 05-11-2009, 09:06 AM

ههههههههههه

يسلموووووووووووووووو

تحيتي

أميرة بوحدتي · #7 (**permalink**) 05-11-2009, 11:37 AM

ههههههههههههههههههههه
علي شو عشر قرون يا مدمر
ههه والله ربع قرن ما بقدر اوفيه بصير اتنطط تنطيط
هههههههههههههههههه
المهم يسلموا علي الطريقه الي عمري ما
راح اجربها

ليلى السيد أحمد · #8 (**permalink**) 05-11-2009, 12:06 PM

هههههههههههه

ول ؟؟ لهدرجة هههههه

يسلمو على مرورك ياسمين & اصعب حب

لا اله الا الله · #9 (**permalink**) 05-11-2009, 02:04 PM

سلام مدمر ولك الواحد بيحط تلاتة بكفوا والله احنا بنعملها كل يوم بس ايش طخة طخة ومرات بنحط معها تومة ولا كيف ياخو هههههههه

saddam · #10 (**permalink**) 05-11-2009, 02:13 PM

كتيييييييير10 قرون

بكفي اتنين ويمكن اكتير

يسلموووووو

ليلى السيد أحمد · #11 (**permalink**) 05-11-2009, 02:48 PM

اووووه

انتو سبتو القبة وجيتو للحبة ههههههههه

خليكو في الموضوع الااساسي

خلص بدي اشيل العشر قوون ههههههههههههههه

اه يا اخت هههههههههههه واحنا مراات بنعملها كماان ههههههههههههههه

منوورين

نور الآيمان · #12 (**permalink**) 07-08-2009, 06:45 AM

هههههههههههههههههههههههههههههههههههههههههههههههههههههههههههههههههههههههههههههههههههه

لك شو هاد

هههههههههههههههههه

مين الي بياكل هاد
انت الي بالصوره
؟
ههههههههههههههههههههههههههههههه

بس روعه

يسلمواا

لؤلؤةعدن · #13 (**permalink**) 08-12-2009, 02:24 AM

ههههههههههههههههههه ههههههههههههههههه

نهر الوفاء · #14 (**permalink**) 10-21-2010, 10:46 PM

حريقا امانة الله ريقي بجري بدي اعملها اليوم ولعلمك المدقه والزبديه جبتهم من غزه ههههههههههه

روح الآيمان · #15 (**permalink**) 11-22-2010, 06:13 AM

هههههههههههههههههههههههههههههههههههههههههههههههههههههههه

هخههههههههههههههههههههههههههههههههه

والله لسانا امبارح حاكين بالموضوع هداااااااااااااااااا

اجى عنا ضيف وقلنا ان الغزاويه بتنقرشو على الفلفل فكرتو بيمزح هههههه

اتاري صح

فلفل لافلفل ى خخخخخخخخخخخخخخخخخخخخ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري