|
|
|
التسجيل السريع مُتاح
|
نبذة عنالشاعرة الساخرة .. ايمان البكري |
 |
|
|
LinkBack | أدوات الموضوع | طرق مشاهدة الموضوع |
12-22-2009, 05:50 PM
|
||||||||||||||||||
|
||||||||||||||||||
|
المشاهدات: 592 | التعليقات: 8
نبذة عنالشاعرة الساخرة .. ايمان البكريالبكري, الساخرة, ايمان, عنالشاعرة, نبذة إيمان البكري شاعرة مصرية, ولدت في القاهرة سنة 1955, وفيها تلقت علومها الابتدائية والإعدادية والثانوية, والجامعية.. إلى أن نالت شهادة الليسانس في اللغة العربية, والدراسات الإسلامية من جامعة القاهرة, كلية الآداب. كتبت الشعر وهى يافعة, وكان لمكتبة والدها دورا رائدا في توسيع مدى رؤيتها, وإطلاعها على أشعار القدامى والمحدثين.. حتى صقلت موهبتها الشعرية, نشرت بعض قصائدها في المجلات والصحف المصرية, تعمل حاليا في تدريس اللغة العربية للمرحلة الثانوية في مصر, وفى سنة 1990 التحقت بجامعة شعراء العروبة وأصبحت عضوا فاعلا فيها. فازت سنة 1991 بالجائزة الأولى في مسابقة الشعر التي طرحتها الجماعة.لإيمان بكرى عدة دواوين شعرية نذكر منها: العزف على أوتار القلب, وقد صدر أيضا في القاهرة سنة 1991. امرأة في سجل الزمان ـ صدر 1993 شاركت إيمان بكرى في العديد من اللقاءات الشعرية التي تحييها الجماعة. تكتب إيمان بكرى الشعر بنوعيه الحر والعودى ويتميز شعرها بالرقة, وعذوبة الألفاظ, أما مواضيعه فتتركز حول انشغالها بقضاياها الشخصية خاصة وقضايا المرأة بعامة.. يذكر أن العديد من النقاد والدارسين قد قاموا بالكتابة عن هذه الشاعرة المبدعة, من أمثال (إبراهيم عيسى ) الذي قدم لها ديوانها (امرأة في سجل الزمان) الذي صدر سنة1993. . يابنت بلدي يابنت بلدي عيب ..لما اللجام هيسيب .. يسترخصوكي الناس في بنطلون مزنوق .. وبلوزه شبر لفوق .. ولا حتى فـ الجمباز عريتي تحت وفوق.. ولا عدش عندك زوق .. ولاحتى فيه احساس لحم الخروف مدبوح ..بنجيبه بعد الروح .. ما تحصّــل الأنفاس ولحمتك بالكوم .. دكان وطول اليوم ..مفتوح لأرخص ناس يخرب زمنا زمان .. كأنه عُمر ما كان .. لالينا اصل ولا اساس . ما فيش حاجه مافيش حاجه مانيش عايزة خلاص حاجة ولا محتاجة انا لحاجة ولو عايزة صحيح حاجة مخليتوليش ولا حاجة عموماً بصوا فيه حاجة هقولها بس محتاجة لعقول تفهم ولو حاجة مهيش مفهومة او حاجة نفسرها بكام حاجة نوضحها بكام حاجة وأهى حاجة مع حاجة هتظهر وتبان لنا حاجة وانا ما بخفش من حاجة مانيش مسنودة ولا حاجة لكن ما بخفش من حاجة لكن فرضاً لو هقول حاجة هيحصل إيه ؟؟؟ ولا حاجة هيعملوا إية ؟؟ ولا حاجة و بعد الشر بعد الشر لو واحد من القاعدين من السامعين من الضالين فِهِم حاجة هَيعملوا إيه ؟؟؟؟ اكيد برضُه ولا حاجة فنتوكل على الستار لوجه الله نقول حاجة فيه ناس بتعيش علشان حاجة وناس بتموت علشان حاجة وناس بتموت على الحاجة وناس تديلك الحاجة وتبقى ليها محتاجة وناس تديلك الحاجة و تاخد ادامها ميت حاجة وناس تكبر تكون حاجة و ناس تصغر علشان حاجة وناس منظر ومش حاجة وتلقاه كبيرحرس ونفير عليه منظر وهو جبان وشيخ منصر ولا يبـنش عليه حاجة كلامى يا خلق فيه حاجة؟ لحد دلوقتى فيه حاجه؟ كلام عادى وبسيط جداً ولا فِهشِ ولا حاجة ما انا ما أقدرش أقول حاجة صحيح نفسى أقول حاجة وميت حاجة لكن مش قادرة اقول حاجة لأنى لو هقول حاجة هييجى ناس بتوع حاجة وياخدونى ورا الحاجة وهو لو سمع حاجة هيعملوهالى ميت حاجة عموما بصو لو واحد من القاعدين عاوزنى أبلغه بحاجة يقول مايخفش من حاجة نعم فيه إيه؟ لالالالالأ مافيش سرقه ولا تهليب ولا تهريب ولا حاجة وبتقول إيه مصمصوا إيه؟ وخصخصوا إيه؟ ده كله كلام مفيش حاجه قضية إيه؟ ياشيخ روح خلاص مافيش حاجه حرامى إيه ؟ ولَكّح إيه؟وهرب إيه؟ شــفـافـيـه ومافيش حاجة وبتقول إيه؟لالالآلأ عـــيب لافيه تدليسولاترقيص ولا تدبيس ولا حاجه سمع مع هووووس انا حاسسة انه فيه حاجة دقيقة سكات لَتبقى حداد انا حاسسه انه فيه حاجة زمنكوا ياخلق فيه حاجة ولازموا كام وميت حاجة ده لو يعنى إذا كان فيه حاجة انا عن نفسى مش حاسسة ولا بحاجة ولا متضايقة ولا حاجة سعادتك برضه مش زيـى مافيش حاجة ؟ أهـه بيقول مافيش حاجة جنابك برضه مش زَيـىِ وعلشان زيي مافيش حاجة أهـه بيضحك بيقول مافيش حاجة ما أنا قولتلكو من الأول مافيش حاجة عليا النعمه يا اخوانا مافيه حاجة ورحمة ابويا ويا أبوك على إللّى جابوك ما فيه حاجه وعهد الله . وعهد الله. وعهد الله ما خللولنا ولا حاجه بقلك ايه خلاص خلص و فركش يلا يا اخونا مفيش حاجه . كلنا بنحبك يا حمار بيقولوا في مطرب مكار...بيغني بحبك يا حمار الواد ده وصولي وكداب..ومنافق وكمان نعار وإشمعنى لوحده اللي يحبك...كلنا بنحبك يا حمار ده لأنك فعلا متفاهم... ومبرطع فينا ومش فاهم وبتبعد عن أي تفاهم .. بعزيمة غبية وإصرار العِشرة ما بينا ما بتهونشي..وإن هانت..برضو ما نقدرشي محكمة العدل ما تحكمشي..وإن حكمت.. هتولع نار مثلتوا علينا الثلاثية.. وبطولة وكانت جماعية وعشان ما تكمل سداسية..عملتوا ألف حصار وحصار وفي وسط ميدان الحرية..فيه شعلة مسكاها وليّة متكنش دي ليزا المخفية..مدية إشارة إنذار وعلى العموم أنا حبيتك وإلهي يا بعيد يخرب بيتك لو يوم هتشُك في إخلاصي..وتصدق ده من الأشرار هو سؤال ومافيهش هزار....هو أنت يعني حمار يا حمار علشان تصدق إن الفار.. ممكن يقول لأسد يا حمار وبعاهدك والعهد أمانه..هتّنَّك على طول ويانا حمورية أهلك عجبانا..يا واخدنا من الدار للنار كل الحميره هنا عملت سين...واتفقت انك بغل عظيم هيوزعوا شربات برسيم ...علي العربخاني وعلي الزوار أنا مش حمّار هتخاف مني مانا برضو حمار وأحمر منك ما تنهق..قول أي حوار بنقولك شيي..ما بتمشيشي....والح ااا..بنقولها ما بتجيشي ونقولك هيييسس...ما بتهيسش..ومكمل بينا المشوار وعلشان كده إحنا إخترناك..وعلى حياتنا إستئمناك ولا يوم هيجي يفرقنا...وهنفضل دايما وياك . النساء و منصب الوزارة قالوا الرجال إن النسا مالهمش في الوزارات ونهار ابونا مِسا لو حكّموا الستات في وزارة التموين و الاقتصاد بالذات حتضيع فلوس البلد في اللبس و البوتيكات بالذمة ده اسمه كلام يبقى وزيرنا مدام واسم البعيد فتكات يختي عليه لو مشي يدخل مجالس إشي لابس قميص شفتشي من كلمة واحده يختشي..وينزل صويت وعياط يا اهل العلام والادب اقروا التاريخ اللي انكتب..فوق الطريق علامات كليوباترا حكمت بلد بالحيلة ويّا الجلد من غير لا خد ولا هات وكام من وزير كان قفا جه في الطريق واختفى .. ولهف وراه ألوفات قصر الكلام يتقال .. مين فيهم اللي يفيد مش مسالة عضلات وساعات كتير ستات بيكونوا رجالة ورجال بطبع النسا وطالعلهم شنبات . دستور دستور يا اخوانا يا بعدا لأ سوري دستور م البعدا محبوس حابس يا سيادنا و بكاكي من فوق مدنة و ورايا ديوك بيكاكو حرصوا عالباقي معاكو بركة مولانا هولاكو حلت و علينا اللعنة طرطور طرطر طراطير بيغيروا فالدساتير و لا عاد في الحتة كبير و يا وارث تورث مين ما الورث إتباع و إتبعنا نرجع تاني لموضوعنا و بيان لديار الإفتا من جمهورية زفتا لِعبو و عملوها إستفتا صوت ياللي سامعنا و قوللي ملك ولا كتابة أسد شبل ف الغابة و أحلف وحياة راس بابا زفة فمولد كدابة و الله يجازي اللي خدعنا للجوكر ألف تحية ملعون خاش الحرية يحيا قانون العبودية و القوانين الوضعية و الحكومات الشمولية لها مني ألف تحية وحِياة أمي دي رجعية و لو صوتنا و جَعجَعنا واحد ولافيش غيره هوه قاعد متربع جوة و بكيفك أو بالقوة لو سوبر مان و فتوة روح قٌله بقى يودعنا عصابات شغل فتوات و استعباط على حركات و السقا أبوه لو مات حيقوم يسقي الشربات و يكمل على مواجعنا مزيكة و تَرَابَاتَّتو و نفديك بالدم.. إفدوه بس إحنا و رحمة أبوه مين ده اللي حَيلوي دراعنا روح هاتلي لمون بالصودا انا حاسة بريحة شوطة حيصعدوا فصل الروضة و الورث حيصبح موضة لم الجدعان و اتبعنا على قهوة ساقية مكي نصرخ نلطم و حنبكي ده ناويها و بيتكتكلي قبل ما حتى يودعنا زقطَطُوا يا عيال قولوا هييه الحكم صبح تيك أواي لو عايز قول أوكيه و لو رافض قول أوكيه في كلا الحالتين نوو واي غير كودية و زار ينفعنا لأنا عايزة بخور م الجاوي و حمار أرمل و حصاوي و دراع برغوت مش غاوي تنطيط عفريت و مخاوي شلة مقاطيع يقطعنا حابس من شر الكرسي من شر عزيزة و مرسي من قرص النمل الفارسي م الأحياء و الأموات من كايرو إلى بغداد أشتات أشتوت أشتات حرصوا من لعب السيكا م الحكشة و م البولوتيكا و لا تشمت يومًا فيكا مارشيل بنت أم ماريكا قول حاجة الله يهديكا و ادعي معايا يخليكا حِلُّوا بقى عن أوجاعنا و انصرفوا عليكوا اللعنة انصرفوا عليكوا اللعنة . البغبغان آخر بيان للبغبغان اللي ف بلاد العم سام كان بهبهون مافهمناهوش بعبع وقال بُقين كلام والمعني إيه ماعرفناهوش معقول يكون البغبغان اللي تبغبغ من زمان صماويل جنابه اتلخلخوا طول عمره سايق في الجنان والعقل عامل شقلبان قام جاب له أورطة يمغمغوا عملوا وطن من غير بيبان اتملكوا فيه الغيلان ووطن جعان ازاي ينام والطمعجية ف خيره ناموا وأنتخوا والبغبغان يكره يموت يسمع سكوت المخروسين إن قلت بم قفاك يرن عليه أيادي المحروسين بيجرجروك أنت وذووك زي الخروف ويسمعوك يادي الكسوف لستة كلام !! ماأبوخه والبغبغان اللي تبغبغ كل من قرب حداه اتبغبغوا جوم طرمخوا ع الطرمخان واللي يطرمخ يبسطه وينغنغو وف مجلس البغابيغ بنلقي البغبغان قاعد يبغبغ بالكلام يضحك وهما يسخسخوا ماتقلش يعني البغبغان اللي ف بلاد الألعبان هوا اللي كان بيزغزغو إلهي يهدي البغبغان واللي تبغبغ يوم معاه تقصف رقبته ودغدغو وإلهي يوم المعمعان ألقاه هناك وكتير معاه م البغابيغ اللي افتروا يوم أو بغوا ياخلق لأو اللأه قوموا اتلحلحوا شوفوا الكلاب !! حتي الكلاب لو شافوا يوم واحد حرامي بينبحوا وانتو اللي مسروق عمركم وانتوا اللي ضايع حلمكم ولا حتي يوم تتلحلحوا ونصيحتي ليكم تروحوا سبحانه من حكم عليكو البغبغان تستاهلو ميت مليون كمان وان شفتم مرة بغابيغ جايين عشان يبغبغوكم اتبغبغوا اتبغبغوا . تحياتي . ساعد في نشر والارتقاء بنا عبر مشاركة رأيك في الفيس بوك المصدر: ملتقى عرب أو لاين للثقافة والفنون - من قسم: منتدى الشعر والقصة kf`m ukhgahuvm hgshovm >> hdlhk hgf;vd hgshovm hdlhk ukhgahuvm
__________________
 أمنيتي بالعام الجديد هي أنت .. أتمنى أن تبقى معي .. إلى الأبد .. وان تبقى لي حبي الأوحد . و أبقى لك حبك الأبدي ..
|
|
|
12-22-2009, 10:56 PM
|
||||||||||||||||||
|
||||||||||||||||||
|
يسلموا كتير على النبذة الرائعه منك لهل الشاعرة القيمه
افتينا بموضوعك الرائع لكى كل التقدير
__________________
عـــندمـا نڪــتـب لا نـڪتب بפـــبر الـقــلـم . . .
بـل نـڪــتـب بدمـاء الـقـــلــوب . . . فـعـــذرًا إטּ ظـهــرت بـعـــض الـجـــراح عـلــىِ الـســطــور . . .
|
|
12-23-2009, 12:05 AM
|
||||||||||||||||||
|
||||||||||||||||||
|
بنت الحرية
شكرا لمرورك يا قمر تحياتي
__________________
أمنيتي بالعام الجديد هي أنت .. أتمنى أن تبقى معي .. إلى الأبد .. وان تبقى لي حبي الأوحد . و أبقى لك حبك الأبدي ..
|
|
12-23-2009, 02:00 PM
|
||||||||||||||||||
|
||||||||||||||||||
|
ياسمين
شكرا لمرورك حبيبتي تحياتي
__________________
أمنيتي بالعام الجديد هي أنت .. أتمنى أن تبقى معي .. إلى الأبد .. وان تبقى لي حبي الأوحد . و أبقى لك حبك الأبدي ..
|
|
01-10-2010, 03:06 PM
|
||||||||||||||||||
|
||||||||||||||||||
|
يسلموا يا عسل ع الموضوع الرائع
بجد وحشتينا كتير ووحشتنا مواضيعك المميزة تحياتي
__________________
إذا لم تجد عدلاً في محكمة الدنيا، فارفع ملفك لمحكمة الآخرة فإن الشهود ملائكة والدعوى محفوظة والقاضي أحكم الحاكمين
|
|
01-24-2010, 10:06 PM
|
||||||||||||||||||
|
||||||||||||||||||
|
رهف
زهرة الندى شكرا لمروركم الطيب تحياتي
__________________
أمنيتي بالعام الجديد هي أنت .. أتمنى أن تبقى معي .. إلى الأبد .. وان تبقى لي حبي الأوحد . و أبقى لك حبك الأبدي ..
|
|
03-03-2010, 10:04 AM
|
||||||||||||||||||
|
||||||||||||||||||
|
بصراحة منك بس عرفتها
رغم اني مابحب الشعر باللهجة المصرية بس لما قرأتة حبيت كتاباتها اشكرك غاليتي 
__________________
 
|
|
| الكلمات الدلالية (Tags) |
| البكري, الساخرة, ايمان, عنالشاعرة, نبذة |
«
الموضوع السابق
|
الموضوع التالي
»
| أدوات الموضوع | |
| طرق مشاهدة الموضوع | |
العرض العادي
|
|
توقيبت حسب مكة المكرمة +4. الساعة الآن 08:21 AM.
